'I Shot the Sheriff'

පද  - Bob Marley, සංගීතය හා ගායනය - The Wailers, Bob Marley

1973 වසරේ බොබ් මාලේ එයාගෙ බෑන්ඩ් එකත් එක්ක පටිගත කරලා නිකුත් කරපු මේ සින්දුව ගැන අපි මේ වෙලාවෙ කතා කරන්න තීරණය කළේ 2022 වසරෙ ලංකාවෙ සිද්ද වෙච්ච මහජන නැඟිටීම සම්බන්ධයෙන් සාකච්ඡා කරන්න ඕන කරන දොරටුවක් මේකෙන් විවර කර ගන්න පුළුවන් කියලා හිතුණ නිසා. 

බොබ් කියන විදියට එයාට ඕන වුණේ  I Shot the Police කියලා කියන්න වුණාට ආණ්ඩුවෙන් එල්ල වෙච්ච විරෝධය නිසා Police වෙනුවට Sheriff  කියලා දාන්න සිද්ද වෙලා තියෙනවා. ඒකෙන් අර්ථයේ වෙනසක් සිද්ද වෙන්නෙ නෑ. මොකද, පොලිස් කිව්වත් ෂෙරිෆ් කිව්වත් සංකේතවත් වෙන්නෙ අධිපති රාජ්‍ය ක්‍රමය ම යි. 

සින්දුවෙ දි බොබ් කියනවා එයාට ෂෙරිෆ්ට වෙඩි තියන්න සිද්ද වුණේ ඇයි, කියලා. මුළු ජීවිත කාලෙ පුරා ම ඔය කියන ෂෙරිෆ් උත්සාහ කරල තියෙන්නෙ එයාව වැරදිකාරයෙක් කරන්න. ඒ විතරක් නෙවෙයි ෂෙරිෆ් ඉන්නෙ එයාගෙ පැත්තට තුවක්කුවකුත් දික් කරගෙන. ඒ වගේ වෙලාවක බොබ් අහන්නෙ තමන්ගෙ ආත්මාරක්ෂාවට වෙඩි තියන්න සිද්ද වෙච්ච එක්ක වැරැද්දක් ද කියලා. 

මුළු ජීවිත කාලෙ ම බිත්තිය මුල්ලට තල්ලු කරලා තිබ්බ ලංකාවෙ මිනිස්සු 2022 සිද්ද කරපු සාමූහික අරගලයත් අන්න ඒ විදියෙ එකක් විදියට යි අපි දකින්නෙ. ඒ අරගලයේ ඌනතා ගැන දහසක් විවේචන ගේන සමහර වාම චින්තකයන් පවා මේ ස්වයංසිද්ධ අරගලයේ යෙදුණ මිනිස්සුන්ට තිබ්බ ආත්මාරක්ෂාව පිළිබඳ අයිතිය ගැන එතරම් සංවේදී නො වුණු බව යි අපට නම් පෙනෙන්නෙ. 

අරගලයට මැදිහත් වුණේ තමන්ගෙ දිහාවට තුවක්කු එල්ල වෙලා තිබ්බ මිනිස්සු; නැතුව පක්ෂ යානාවල නැඟීගෙන නායකයින්ට මල් පහන් පත්තු කර කර පාර්ලිමේන්තුවේ ආසන ගාණ වැඩි කර ගන්න එක ගැන හීන දකින හරි න්‍යායෙන් විතරක් සියල්ල බේරෙයි කියලා හිතාගෙන ඉන්න සුළු පිරිසක් නෙවෙයි. තමන්ගෙ පැත්තට තුවක්කු එල්ල වෙලා තියෙනව නම් ඒ ප්‍රශ්නයට මුහුණ දෙන්න ඕන තමන්; බේරෙන්න ඕන තමන්. බොබ් කියන්නෙත් ඒක. 

“ඔව් මං වෙඩි තිබ්බා. මට බේරෙන්න වෙන කිසිම විදියක් නැති නිසා මං වෙඩි තිබ්බා” 

ඒ තමයි ඇත්ත වාස්තවික යථාර්ථය. හැබැයි බොබ් කොතනවත් කියන්නෙ නෑ ජෝන් බ්‍රවුන්:ියැරසff*ට වෙඩි තිබ්බ ම මේ ප්‍රශ්නෙ ඉවර වෙනවා කියලා. ඒ විතරක් නෙවෙයි බොබ් ඒ සින්දුවෙ දි බොහෝ තැන්වල කියන දෙයක් තමයි ‘ෂෙරිෆ්ට වෙඩි තිබ්බට නිල ඇඳුම් ඇඳ ගත්ත හැමෝටම’ තමන් වෙඩි නො තිබ්බ බව. 

තමන් පැළ කරපු බීජ වැඩෙන්න කලින් විනාශ කරන්න කියලා බල කරද්දිත් ඒක දරාගෙන ඉවසගෙන ඉන්නෙ මිනිස්සු වෙන්න පුළුවන්ද ? බෑ ... හැබැයි මේ අප රිදවන ‘වාස්තවික යථාර්ථය‘ වඩා ‘සුසාධිත විනයගරුක ආලෝකවත් යථාර්ථයක්’ කරන්න නම් මෙන්න මේ ෂෙරිෆ්ට වෙඩි තියන්න තරම් නිර්භීත වෙච්ච මිනිස්සු ඇතුළෙ දේශපාලනය පිළිබඳ සවිඤ්ඤාණකත්වයක් සහ අනුරාගයක් හදන්න ඕන. 

ඒ කියන්නෙ වාස්තවික යථාර්ථයේ මනෝමූලික පරාවර්තනයක් සිද්ද වෙන්න ඕන කියන එක. ඒක ඉතිං ඉබේ වෙන්නෙ නෑ කියන එක පැහැදිලියි නෙ! බලයයි යුක්තියයි අතර තියෙන සම්බන්ධය ගැන ජනතාව දැනුවත්ව සිදු කරන අරගලයකින් ජනතාවට ලැබෙන ජයග්‍රහණ 2022 අරගලයෙන් ලැබුණ ඒවට වඩා ගොඩක් වැඩි යි. 

හැමදාම තමන්ගෙ ළිඳේ වතුර හොරකම් කරපු පාලක පන්තිය තමන්ගෙ පනිට්ටුවෙන් එක වතුර බින්දුවක් හැලිච්ච ගමන් කලබල වෙච්ච හැටි අපි 2022 හොඳට ම දැක්කා. ඊට පස්සෙ පාලක පන්තිය හැසිරෙන විදිය දැක්ක ම අපිට බොහොම පැහැදිලියි ඒ අය බය වෙලා ඉන්නෙ මොකටද, කියන එක. 

ජනතාව සංවිධානාත්මකව සිදු කරන අරගලය තමයි පාලක පන්තියට නින්ද නැති කරන්නෙ. බොබ් මේක දැනගෙන හිටියා. ඒක නිසා තමයි බොබ් මේ සින්දුවෙ දි ෂෙරිෆ්ට වෙඩි තැබීම ආත්මාරක්ෂාව වෙනුවෙන් කළ දෙයක් කියලා කියන්නෙ. 

ඒ වගේ පුද්ගල කැරලිකාරීත්වයකින් තත්ත්වය ගුණාත්මක වෙනසකට ලක් කරන්න බෑ කියලා බොබ් දන්නව. මේ වෙඩි තැබීම ආත්මාරක්ෂාව වෙනුවෙන් කළ දෙයක් කියලා බොබ් කියන්නෙ අන්න ඒ නිසා තමයි. තනි ෂෙරිෆ් කෙනෙකුට වෙඩි තැබීම වෙනුවට ෂෙරිෆ්ගෙන් සංකේතවත් වන සමස්ත ධනේශ්වර රාජ්‍ය තන්ත්‍රයට ම වෙඩි තැබීම ගැන අලුත් සින්දුවක් ලියන්න බොබ් අපිට ඉඩ ඉතුරු කරලා තියෙනවා. 

අන්න ඒ සින්දුව ලියලා මියුසික් එක්ක ගායනා කරන දවස වෙනකං බොබ්ගෙ මේ සින්දුව නැවත නැවත අහන එක වැදගත්. මොකද, බොබ් නතර කරපු තැනින් පටන් ගන්න අපට ඒ සින්දුවෙන් ඇති තරම් ධෛර්ය ලබා දෙන නිසා.

I shot the sheriff

But I did not shoot the deputy

I shot the sheriff

But I didn't shoot the deputy

All around in my hometown

They're trying to track me down

They say they want to bring me in guilty

For the killing of the deputy

For the life of a deputy

But I said

I shot the sheriff

But I swear it was in self defense

I shot the sheriff

And they say it is a capital offense

Sheriff John Brown always hated me

For what? I don't know

But every time that I plant a seed

He said "Kill it before it grows"

He said "Kill it before it grows"

I said

I shot the sheriff

But I swear it was in self defense

I shot the sheriff

But I swear it was in self defense

Freedom came my way one day

And I started out of town

All of a sudden I see Sheriff John Brown

Aiming to shoot me down

So I shot, I shot him down

I said

I shot the sheriff

But I did not shoot the deputy

I shot the sheriff

But I didn't shoot the deputy

Reflexes got the better of me

And what is to be must be

Every day the bucket falls to the well

One day the bottom will drop out

Yes, one day the bottom will drop out

I said

I shot the sheriff

But I didn't shoot the deputy

Oh no, oh no

I shot the sheriff

But I did not shoot no deputy

Oh no