'දුරස්ව' එහෙත් 'එකට' - සේයාරුවක කතාව
ෂිරින් රවුහානි (Shirin Rouhani) නම් මේ වෛද්‍යවරිය ඉරානයේ Shohada රෝහලේ සේවය කළ වෛද්‍යවරියක්. ඇය එම රෝහලේ කොරෝනා රෝගීන්ට ප‍්‍රතිකාර කරමින් සිටින අතරතුර ඇයට වෛරසය ආසාදනය වුණා. නමුත් රෝගී වීම නිසා විවේක ගැනීමේ හැකියාවක් ඇයට තිබුණේ නෑ. ඇය සේවය කළ රෝහලේ කාර්යමණ්ඩල හිඟය නිසා රෝගී වුවත් දිගටම සේවා සැපයීමට ඇය තීරණය කළා. තමන්ගේ අතේ සේලයින් බෝතලය එල්ලාගෙන, බෙහෙත් ඒ සේලයින් බෝතලයට එන්නත් කරගෙන ඇය තමන්ගේ අවසන් හුස්ම දක්වා තම සේවය රෝගීන්ට ලබා දුන්නා. ධනවාදය යටතේ පටු පුද්ගලවාදය උත්කර්ෂයට නංවද්දී, සියල්ල ආත්මාර්ථකාමී ගණන් බැලීම නම් අයිස් වතුරේ ගිල්වද්දී අපට අපේ ජීවිත ධනවාදය පරාජය කර සමාජවාදයගොඩ නැගීමට වෙන් කරන්නේ සාමූහික සමාජයක් ගොඩනැගීම සඳහාවන පදනම් ඉතිරිව ඇති බව වෛද්‍ය ෂිරින් වගේ තවත් සිය දහස් ගණනක් දෙනා සිය ජීවිත තුළින් ඔප්පු කරන නිසා. සිරුරෙන් මීටර් දෙකක් ඈත්වී වුවත් සමාජයක් ලෙස එකට පොර බදන ජීවනාදර්ශයන් අපට ඉරානයේත්, ලංකාවේත්, ලෝකයේ හැම තැනමත් හිඟ නැති නිසා.
