රළ - කලා සංස්කෘතික සංවාද

  ඔහු සමාජයෙන් හංවඩු ගසා කොන්කරන ලද පහළ සමාජ ස්ථරයකට අයත් තරුණ පියෙකි. විරැකියවෙන් හා එයටම බැදුණු දරිද්‍රතාවයෙන් පීඩාවිදින පවුලක ස්වභාවයෙන්ම ඇතිවෙන අඩදබර බහුල යුවලක්. හදිසියේම නිවසේ ඇතිවෙන ගින්නකින් ඔවුන්ගේ දියණියන් තිදෙනා ඛේදජනක ලෙස මියයයි. සිය දියණියන් තිදෙනා පණපිටින් ගිනි තබා ඝාතනය කළ රාක්ෂසයකු ලෙස අධිකරණයෙන් තීන්දුවන අපගේ කථානායකයා වන Todd Cameronට මරණ දඩුවම නියම වෙයි. කොළඹ මුඩුක්කුවාසී තරුණයකු දුටු විට බොහෝ දෙනකු ඔහුව දකිනුයේ කුඩුකාරයකු, සොරෙකු වැනි අපගේ සිත් තුළ අපම ගොඩනගාගන්නා ලද රාමුවක් තුළ ඔහුව ස්ථානගත කොටය. යම් තැනක සොරකමක් හෝ වෙනත් අපරාධයක්වූ විට වැරදීමකින් හෝ ඒ අවට මෙවැනි සමාජ ස්ථරයකට අයත් තරුණයකු දුටුවහොත් බොහෝ විට ඔහු මෙම අපරාධය කළ බවට පූර්ව නිගමනයක් ඇතිවෙයි. පොලිසියටද ඉහළින් මත්ද්‍රව්‍ය හෝ වෙනයම් වැටලීමක් කිරීමට අවශ්‍යයවූ විට ඔවුන් සිදුකරන්නේද මෙවන් පෙදෙසකට ගොස් අසුවන තරුණයින් පිරිසක් අත්අඩංගුවට ගැනීමය. පසුගිය දිනෙක ඒකාබද්ධ සෞඛ්‍ය සේවක සංගමයේ උද්ඝෝෂණයක් අතරතුර කොළඹ ජාතික රෝහල ඉදිරිපිටදී මලික අබේකෝන් සහෝදරයා අත්අඩංගුවට ගැනෙන්නේද ඔහුගේ බාහිර පෙනුම මතය. මෙය ඇතැම් වාර්ගි...

  තලේබාන් පාලනය ආරම්භ වූ ඇෆ්ගනිස්ථානයේ සිට පළා යන ජනතාව හොඳින්ම නිරූපනය කරන සේයාරුවක් ලෙස මෙය ලොව පුරා අවධානයට ලක්ව ඇත. අන්තවාදයේ සිරගෙවල සිට ලිබරල් නිදහසේ ස්වර්ග රාජ්‍යයන් කරා යන සරණාගතයන්ගේ ඉරණමට ඇත්තේ සියවසක පමණ ඉතිහාසයකි. ඒ නිසා මේ සේයාරුව අර්ථ ගන්වන සංකේතාර්ථවලට අපට එකඟ විය හැක්කේ බොහෝ දෙනා කියන අරුතින් නම් නොවේ.  අදත් යුරෝපය ඇතුළු ලොව පුරා රටවල් ගණනාවක එවැනි සරණාගතයන් ගෙවන ජීවිත නිරීක්ෂණය කළ විට කිසිදාක තමන් සෙවු නිදහස, රැුකවරණය ඔවුන්ට හිමිව නැති බව පැහැදිලිය. ලංකාවේදී මුහුණ පෑ ජීවිත තර්ජන නිසා පළා ගිය දකුණේ වේවා උතුරේ වේවා ජනයා වෙනත් රටවල වාසය කරති.  දියුණු යැයි කියන රටවලදී සංක‍්‍රමණිකයන් සාපේක්ෂ යහපත් ආර්ථික මට්ටමක දිවි ගෙවනු ලබන්නේ යැයි ඇති මිත්‍යා මතයට අමතරව පසුගිය කාලයේ ඇති වූ නව නාසි තර්ජන ආදිය සැළකූ විට ඔවුන්ට හිමිව ඇත්තේ තමන්ගේම නිදහස් ජීවිතයක් නොවේ. මේ දැරිය වැනි මිලියන ගණනක් දරුවන් වෙනුවෙන් අපට ඇති අධිෂ්ඨානය විය යුත්තේ ඒ සා වූ නිදහස් මිනිස් සමාජයක් වෙනුවෙන් වැඩ කිරීම ය.  මේ දැරිය හෘදයංගම ලෙස ඔබගෙන් මෙන්ම මගෙන් ඉල්ලා සිටින්නේ එය ම නොවේද?.

  පද රචනය - විදර්ශන කන්නංගර සංගීතය සහ ගායනය  - ඉන්ද්‍රචාප ලියනගේ සාහිත්‍ය-කලා ව්‍යාපෘති ඇතුළෙ සෑහෙන්න ඇහෙන වචනයක් තමයි ‘සර්වකාලීනත්වය’ කියන්නෙ. ඒ වචනෙ ඇතුළෙම විරුද්ධාභාසයක් (paradox) එකක් තිබුණට සාමාන්‍යයෙන් ඒකෙන් කියවෙන අර්ථය ගැන මේ ව්‍යාපෘති ඇතුළෙ ඉන්න අයට පොදු අදහසක් තියෙනවා. බොහෝ විශිෂ්ට කලාකරුවන් ඒ වගේ ‘උත්තර්-ඓතිහාසික’ නිර්මාණ බිහි කරලා තියෙනවා. අපි ඒවා ඉතාම ආදරයෙන් බදා වැලඳ ගන්නවා. ඒත් ඒකෙන් කියැවෙන්නෙ නෑ අපි ‘සර්වකාලීනත්වය’ හා බැඳුණු දේශපාලන, ආර්ථික හා සමාජයීය මොහොත අමතක කළ යුතු බව. අර කියන උත්තර්-ඓතිහාසික බව දරාගෙන ම අපට සිදු වෙනවා කලාකරුවන් විදියට අප ජීවත්වන මේ මොහොතට අදාළ අපගේ ප‍්‍රතිචාර දක්වන්න. ‘නිදහස් අධ්‍යාපනයේ ගීතය’ අපි ස්ථානගත කර ගන්නෙ ඒ වගේ මැදිහත් වීමක් විදියට. නව ලිබරල් ධනේශ්වර මොහොතක ‘නිදහස’ කියන වචනෙ වලංගු වෙන්නෙ වෙළඳපොළ අර්ථයකින් විතරයි. එබඳු මොහොතක අධ්‍යාපනයේ නිදහස මෙන්ම නිදහස් අධ්‍යාපනය පිළිබඳ සංවාදය ඉදිරියට ගැනීම කියන්නෙ ප‍්‍රාග්ධනයේ අවශ්‍යතාවන්ට අභියෝග කිරීමක්. හැම දේම විකිණෙන සමාජයක අධ්‍යාපනය විතරක්වත් ඒ ප‍්‍රාග්ධනයේ ලාභ කේන්ද්‍ර‍්‍රීය තර්කණයෙන් බේ...

  කසුන් සමරතුංගගේ 'කරුවලට බය කාමරේ ඇතුළෙ' කෙටිකතා සංග්‍රහය පිළිබඳ විමසුමක් මගේ අතේ දැන් තියෙන්නෙ කසුන් සමරතුංග කියන අපූරු කෙටිකතාකරුවාගේ පළමු කෙටිකතා සංග‍්‍රහය, ‘කළුවරට බයේ කාමරේ ඇතුළේ’. ඉතාම කෙටියි කියලා හඳුන්වන්න පුළුවන් කෙටි කතා 8ක් මේ පොතේ තියෙනවා. මේ කෙටිකතා අටෙන් එකක් ඇරුණම අන් සියල්ලෙම අන්තර්ගතමය වශයෙන් දක්නට ලැබෙන සමානතාවයක් තියෙනවා.  ‘ඉතින් හාවට නින්ද ගියා’ කියන කෙටිකතාව හැරුණම අනෙක් සියල්ලම ඍජුව හෝ වක‍්‍රව ස්ත‍්‍රී-පුරුෂ සම්බන්ධතාවයේ විවිධ පැතිමාන ගැන කතාකරන කෙටිකතා. පෘථිවියට කෝවිඞ් වසංගතය පැමිණි ආකාරය පරිකල්පනය කරන ‘දහනවය’ වගේ කෙටිකතාවක් වුණත් නතර වෙන්නෙ පිටසක්වල ජීවි පෙම්වතකු සිය පෙම්වතියගේ ඉල්ලීමක් ඉටු කරන්න පෘථිවියට ආව වෙලාවක පිට වුණ කිවිසුමකින් පැතිරිච්ච විෂබීජයකින් තමයි කෝවිඞ් 19 ආරම්භ වෙන්නෙ. අන්තර්ගතමය වශයෙන් තියෙන මේ ස්වභාවය පාඨකයාට දරාගන්න බැරි තරම් එකක් නෙවෙයි. ඒකට බලපාන ප‍්‍රධාන සාධක දෙකක් තියෙනවා. 1 ස්වරූපමය (forrm) වශයෙන් පවත්වාගෙන යන විචිත‍්‍රතාව 2 කියවීම් කාලයෙහි වන කෙටි බව ස්වරූපමය වශයෙන් පවත්වාගෙන යන විචිත‍්‍රතාව මෙහි එන ස්ත‍්‍රී පුරුෂ සම්බන්ධතාවට අ...