කොරෝනා කාලයේ සේයාරුවක කතාවක්!
මාර්තු 24 වැනිදා පූගොඩදී ඡායාරූප මාධ්‍යවේදියකුගේ අවධානයට ලක්වූ මේ දසුනින් කියැවෙන්නේ, කොරෝනා වසංගතය තුළ සාමාන්‍ය ජනයා ඇද වැටී ඇති තත්වය ගැන කතාවකි.
වොෂින්ටනයේ සිට මෙල්බර්න් දක්වා ප‍්‍රධාන නගරවල කෝවිඩ් 19 භීතිකාවෙන් ඇලලූණු නාගරික මැදපන්තිකයන් සුපිරි වෙළඳසැල් හිස් කරමින් එදිනෙදා පාරිභෝගික ද‍්‍රව්‍ය නිවෙස්වල ගොඩග සා ගනිද්දී එදාවේල හරිහම්බ කරගත් මිනිසුන්ට යාන්තම් වේලක් යැපෙන්නටද නොහැකි විය. මැතිවරණ කාලයක් නිසා ලංකාවේ ආණ්ඩුව කෝවිඩ් ව්‍යසනය මැද ඡන්ද ගරානාවක් දියත් කරමින් සහන ව්‍යාපෘති ආරම්භ කළද ඒවා කිසිසේත් පර්යන්ත ගම් නියම්ගම්වල හුදෙකලා වූ මිනිසුන්ට පලක් නොවීය. නම නොදන්නා මිනිසුන් දහස් ගණනක් ස්වෙච්ඡාවෙන් ඒකරාශිව පුද්ගල හා සමූහ වශයෙන් සහන සේවා සැලසීමට ගත් ව්‍යායාමයද අමතක කළ නොහැකිය.
පූගොඩ නගරයේ ගිනි මද්දහනේ හාල් උරයක් රැගෙන යන මේ වැඩිහිටි කාන්තාව පමණක් නොව ලක්ෂ ගණනක් අව වරප‍්‍රසාදිත ජනයා ලංකාවේදී අසරණභාවයට පත් වූ අතර ලෝකයේදී එම සංඛ්‍යාව ගණනය කළ නොහැකි තරම් විය.
වසංගත පැමිණ ජනගහණයෙන් දැවැන්ත සංඛ්‍යාවක් මරණය තෙක් පිසදා හරින්නේ අද ඊයේ නොවේ. සෑම වසංගතයක් අවසානයේදීම මියයනවුන් සංඛ්‍යාව පිළිබඳ පරික්ෂා කළහොත් ඒ සාතිශය බහුතරය පහත මාලයේ ජනයාය.
මේ සත්‍යය මනුෂ්‍යත්වයේ ඛේදවාචකයක් නොව, ව්‍යසන මැද නොසළකා හරිනු ලබන්නේ මිනිස් සමාජය මත බලපවත්වන කිසියම් වරදක් නිසා නොවේදැයි ඡායාරූපය අපෙන් ප‍්‍රශ්න කරයි. කොරෝනා ව්‍යසනය ඡන්ද ගරන්නට යොදාගන්නා දේශපාලකයන්, වහා කියනු ඇත්තේ එය එසේ නොවන බවකි. නැති බැරි උන් ඇති හැකි කරන්නට තමන් කැපවී වැඩකරන බවත ඔවුන් කැමරා ඉදිරියට පැමිණ ගෝරනාඩු කරනු ඇත.
එහෙත්, කලාවේ නියැළෙන සැම දෙනාටම අවම වශයෙන් කලාව් නියැළෙමින් මේ වරද සම්බන්ධයෙන් යමක් කළ හැකි නම්,......
රළ, කොරෝනා වසංගතයෙන් පෙළෙන සුවහසක් සාමාන්‍ය ජනයා වෙනුවෙන්, පෙරටුගාමී කලාවක් වෙනුවෙන් ඉතිරිකරන්නේ ඒ අදහස ය.
Comments
Post a Comment